خواتین مصنفات کا مہینہ
خاموش نظارے از کائنات بشیر
نام کتاب: خاموش نظارے
مصنفہ: کائنات بشیر
صنف: نان فکشن، سفر نامہ
صفحات: 295
سن اشاعت: 2019
ناشر: انہماک انٹرنیشنل پبلی کیشنز
قیمت: 600 روپے
ISBN: 978-969-9783-119-7
خواتین مصنفات کے مہینے میں اب تک ہم نے فکشن سے انتخاب پیش کیا ہے۔ تاہم اس سلسلے کی آخری کتاب کے لئے ہم نے نان فکشن کتاب کا انتخاب کیا ہے۔ کتابستان کے لئے کتاب منتخب کرتے وقت ہمارے پیش نظر مصنف کی جنس نہیں بلکہ بذاتِ خود وہ کتاب ہوتی ہے جس پہ بات ہو رہی ہوتی ہے اور الحمد للہ کتابستان میں مرد مصنفین کے ساتھ ساتھ خواتین مصنفین کی کتابیں بھی ایک بڑی تعداد میں پیش کی گئی ہیں۔ خواتین مصنفین کے سلسلے کے لئے کتابیں منتخب کرتے ہوئے ہمیں یہ معلوم ہوا کہ خواتین کی بڑی تعداد فکشن نگاری کے میدان میں کام کر رہی ہے۔ ان میں زیادہ تر ناول نگاری اور افسانہ نویسی میں قلم آزمائی کر رہی ہیں۔ شاعرات بھی موجود ہیں۔ تاہم نان فکشن کی کیٹیگری میں کم ہی خواتین کا کام موجود ہیں اور جو کام موجود ہے اس میں زیادہ تر کک بکس ہیں یا چند دیگر کتب۔ کتابستان میں بھی گرچہ مصنفات کا کام باقاعدگی سے پیش ہوا ہے لیکن وہ بھی زیادہ تر ناولوں اور افسانوں پہ مشتمل ہے۔ خواتین کی لکھی ہوئی نان فکشن تحاریر کم ہی ہیں تاہم ان میں سے چند کو یہاں اور یہاں دیکھا جا سکتا ہے۔ اس وجہ سے یہ ہمارے لئے اہم تھا کہ ہم اس سلسلے میں کم از کم ایک نان فکشن تحریر ضرور شامل کریں اور اس کے لئے ہم نے جس زمرے کا انتخاب کیا ہے وہ ہے سفر نامہ۔ Continue reading “163-خاموش نظارے از کائنات بشیر”
سمیرا حمید ناول نگاری کی دنیا میں نئی نہیں ہیں آپ کے قلم سے کئی ناول نکل چکے ہیں جن میں محبت من محرم، یارم، خیالِ یار، بورشے، ام الیقین وغیرہ شامل ہیں۔ یارم سمیرا حمید صاحبہ کا تحریر کردہ ناول ہے جو ابتدائی طور پہ ڈائجسٹ کے لئے لکھا گیا تھا۔ بعد ازاں اس کو کتابی شکل میں بھی پیش کر دیا گیا ہے۔ یارم کا مطالعہ ہم نے کئی سال قبل کیا تھا لیکن ابھی تک یہ کتابستان کا حصہ نہیں بن سکا تھا، مصنفہ کے لکھنے کا انداز اس قدر شاہانہ ہے کہ 
عمیرا احمد موجودہ دور کی صف اول کی مصنفہ ہیں جن کی ایک بڑی فین فالوئنگ ہے۔آپ کے نام اور کام سے قارئین کی اکثریت واقف ہے۔ اگر کسی کو آپ کے لکھے ناول پڑھنے کا اتفاق نہ ہوا ہو تو بھی امکان ہے کہ اس نے آپ کے لکھے کسی ڈرامے کو ضرور دیکھا ہو گا۔ عمیرا احمد نےقلمی سفر 
کمیلا شمسی برطانوی پاکستانی مصنفہ ہیں۔ آپ ایک پڑھے لکھے گھرانے سے تعلق رکھتی ہیں۔ آپ کی والدہ صحافت کے شعبے سے تعلق رکھتی تھیں۔ آپ کی خالہ اور نانی بھی لکھنے کے شعبے سے وابستہ تھیں۔ کمیلا اب تک سات ناول لکھ چکی ہیں جن کے لئے انہیں کئی ملکی اور غیر ملکی ایوارڈز مل چکے ہیں۔ انہیں کئی مشہور ایوارڈز کے لئے شارٹ لسٹ بھی کیا گیا۔ ہوم فائر آپ کا ساتواں ناول ہے۔ اس ناول کے لئے آپ کو وومینز پرائز فار فکشن کا ایوارڈ دیا گیا۔ اس ناول کو مین بکر پرائز کے لئے بھی نامینیٹ کیا گیا۔ دنیا بھر کے ناقدین اور شائقین نے اس ناول کے لئے مثبت ریویوز دئے ہیں۔ ہمیں خوشی ہے کہ کتابستان میں ہمارا آج کا موضوع کمیلا شمسی کا لکھا ہوا یہی ناول ہے، ہوم فائر۔
کتابستان میں آج بہت خوشی کا دن ہے آج اس بلاگ پہ ہم 150 ویں کتاب پہ مضمون پیش کر رہے ہیں۔ کتابستان کا یہ ایک طویل سفر ہے جو سالوں پہ محیط ہےاور اب بھی جاری و ساری ہے۔ اس سفر کے دوران ہم نے مختلف النوع موضوعات کی کتابوں پہ مضامین پیش کئے ہیں۔ جن میں اسلامی کتب، تحقیقی کتب، معلوماتی کتب، فکشن، نان فکشن سمیت پاکستانی اور بین الاقوامی ادب سے انتخاب شامل رہا ہے۔ ہماری کاوش رہی ہے کہ یہ مضامین عام فہم ہوں اور قاری کی کتاب میں دلچسپی پیدا کریں۔ اس دوران ہمیں اس بات کا ادراک ہوا ہے کہ عمومی تاثر کے برعکس پاکستان میں کتابوں پہ کام ہو رہا ہے۔ نئی کتابیں لکھی جا رہی ہیں، ناشر کتب شائع کر رہے ہیں، غیر ملکی ذبان میں لکھے گئے ادب کے تراجم ہو رہے ہیں، کتابوں کے موضوعات میں تنوع ہے اور لوگ کتابیں پڑھ رہے ہیں۔ موجودہ دور میں کتابوں کی قیمت سینکڑوں روپے سے لے کر ہزاروں میں ہو سکتی ہے۔ ایسا کتاب کے معیار اور ضخامت کے مطابق ہو سکتا ہے۔ گرچہ کتابوں کے کاروبار میں اتنا منافع نہیں جتنا کہ کپڑوں، جوتوں یا جیولری کے کاروبار میں ہو سکتا ہےلیکن یہ سمجھنا بھی درست نہیں کہ اس سمت میں کام بالکل ہی نہیں ہو رہا۔ صورتحال اتنی مایوس کن نہیں جتنی سمجھ لی جاتی ہے۔ اس بات کا ایک ثبوت کتابستان بھی ہے جہاں نہ صرف مشہور ترین کتب کو پیش کیا گیا ہے بلکہ نئی شائع ہونے والی کتب کو بھی شامل کیا گیا ہے۔ اس ضمن میں کتابستان کے قارئین کا کردار بھی اہم ہے۔ ہمارے قارئین کی موجودگی ہماری ہمت بڑھانے کا سبب بنتی ہے۔ وہ تمام افراد جو اس بلاگ پہ باقاعدگی سے آتے ہیں یا کسی تلاش کے نتیجے میں یہاں تک پہنچتے ہیں ہمارے لئے اہم ہیں۔ ہم سب کی خوشیوں کے لئے دعاگو ہیں اور امید کرتے ہیں کہ کتابستان کا یہ سفر جاری و ساری رہے گا اور آپ ہمارے ہم سفر رہیں گے۔
قراقرم کا تاج محل نمرہ احمد کا لکھا ناول ہے جو ابتدائی طور پہ ڈائجسٹ کے لئے لکھا گیا تھا اور بعد ازاں کتابی شکل میں پیش کیا گیا۔ یہ نمرہ احمد کا کتابی شکل میں چھپنے والا پہلا ناول ہے جو 2013 میں شائع کیا گیا۔ نمرہ احمد جی کے رائٹنگ اسٹائل کے بارے میں ہم تفصیلی گفتگو 
سانس ساکن تھی، نمرا احمد صاحبہ کا تحریر کردہ ناول ہے۔ نمرا جی کے رائٹنگ اسٹائل پہ ہم پہلے ہی تفصیلی گفتگو کر چکے ہیں جسے 
انتظار حسین صفِ اول کے پاکستانی مصنف ہیں۔ آپ کے لکھے ہوئے افسانے، ناول، سفرنامے اور دیگر کام، اردو زبان میں ایک اہم مقام رکھتے ہیں۔ آپ کا کام اپنے ہم عصروں سے بہت مختلف اور انوکھا ہے جو نقادوں اور قارئین دونوں سے ہی شرفِ قبولیت حاصل کر چکا ہے۔ آپ کے کام کا انگریزی ذبان میں ترجمہ بھی ہو چکا ہے سن 2013 میں آپ کو بکر پرائز کے لئے نامزد بھی کیا گیا تھا۔ یہ آپ کے کام کی اہمیت کا بین الاقوامی سطح پہ اعتراف ہے۔ آپ کو حکومت پاکستان کی طرف سے تمغہ امتیاز سے بھی نوازا جا چکا ہے۔ ہمیں یہاں یہ بتاتے ہوئے انتہائی افسوس ہو رہا ہے کہ سن 2016 میں انتظار حسین صاحب ہمارا ساتھ چھوڑ کے دوسرے جہاں کی طرف چلے گئے۔ دعا ہے کہ اللہ پاک ان کی مغفرت فرمائے اور ان کے لئے اگلے جہانوں کی منزلیں آسان فرمائے۔ آمین۔ آپ کے جانے سے اردو دنیا ایک اہم لکھاری سے محروم ہو گئی ہے۔ آپ کے جداگانہ کام کی وجہ سے اردو ادب میں آپ کی الگ جگہ ہے، اس جگہ کو بھرنا اور آپ کے پائے کا کام پیش کرنا کسی بھی دوسرے مصنف کے لئے بہت مشکل ہے۔ آپ کی تحریروں کی خاص بات ان کا دیو مالائی انداز، پرانے زمانے کی فضا اور قدیم زمانے سے چلی آ رہی مذہبی اور دیگر روایات کو یکجا کرکے پیش کرنا ہے۔ قدیم روایات چاہے کسی آسمانی صحیفے میں بیان کئی گئی ہوں، یا توریت یا بائیبل میں ان کا ذکر ہو، قرآنی قصہ ہو یا پھر مہابھارت میں بیان کیا گیا ہو، انتظار حسین صاحب کی گرفت ان تمام روایات اور قصوں پہ مضبوط ہے۔ وہ اپنے افسانوں میں بنا ناصح بنے کے ان روایتوں کو اپنے اسلوب میں پیش کرتے ہیں جو ناصرف اپنے آپ میں منفرد پیش کش ہے بلکہ دلچسپ بھی ہے۔ یہ روایات بےحد پرانی ہونے کے باعث موجودہ دور کی مصروف زندگی میں کہیں بہت پیچھے رہ گئی ہیں۔ تاہم انتظار حسین ان روایات کے گرد طاری زمانوں کی گرد جھاڑ کے اسے دورِ جدید کے قاری کے سامنے اس طرح پیش کرتے ہیں کہ وہ ان کے سحر میں کھو جاتا ہے۔ اگر ان پرانی روایتوں سے قاری کی آگاہی ہو تو ان افسانوں کا لطف دو چند ہو جاتا ہے۔
عمرہ ہو یا حج، یہ ایسی سعادتیں ہیں جو خوش نصیبوں کو مقدر ہوتی ہیں۔ خانہ کعبہ کی زیارت اور طواف کی خوشی جس مسلمان کو نصیب ہو جائے اس کی دنیا بدل جاتی ہے۔آج کی زیر نظر کتاب کالی شا کتاب بھی ایسی ہی ایک سعادت کا احوال ہے۔ جس کا عنوان تو مصنف نے کالی شا کتاب رکھا ہے مگر ساتھ ہی وضاحت بھی لکھی ہے کہ یہ قلبی وارداتوں پہ مبنی ہے۔ کتاب کا عنوان متاثر کن ہے جو توجہ اپنی طرف کھینچتا ہے اور یہ سوچنے پہ مجبور کرتا ہے کہ آخر ”کالی شا“ کا مطلب کیا ہے۔ کتاب کا سرورق بھی کالے رنگ کا ہے جو عنوان کی مناسبت سے ہے۔ ممتاز مفتی کے کالے کوٹھے، اور بابا یحییٰ خان کی پیا رنگ کالا کے بعد یہ کتاب اسی قبیل کی محسوس ہوتی ہے۔ کتاب کے اختتام پہ جاوید چودھری صاحب کے تاثرات درج ہیں جن میں آپ نے مصنف کو ایک ”بابا“ قرار دیا ہے، وہی بابا جس کا ذکر اشفاق احمد صاحب مرحوم کی گفتگو میں جگہ جگہ ملتا تھا۔ جاوید چودھری صاحب کے اس کتاب کے بارے میں الفاظ ہیں؛
انسان فطرتاً حسن پرست واقع ہوا ہے۔ ایسے میں اس حسن پرست دنیا میں جو لوگ بدصورت سمجھے جاتے ہیں، ان کی زندگی کس طرح متاثر ہوتی ہے وہ اپنی معمولات کس طرح انجام دیتے ہیں اور ان کے رویوں میں کس طرح توڑ پھوڑ ہوتی ہے، کئی مصنفین نے اس موضوع پر قلم آزمائی کی ہے کتابستان کے گذشتہ اوراق میں ہم ایسی کتب کا ذکر کر چکے ہیں جن کے بارے میں 
پاکستان کی تاریخ میں 8 اکتوبر 2005 وہ دن ہے جب زمین تھر تھرا اٹھی تھی۔ زلزلے کے جھٹکوں نے کشمیر اور بالاکوٹ کے علاقوں میں تباہی پھیر دی تھی۔یہ تباہی اتنی شدت کی تھی اور نقصان اتنا زیادہ تھا کہ ان کو رپورٹ کرتے ہوئے ٹی وی کے نیوز کاسٹرز کی آوازیں کانپ رہی تھیں۔ گو کہ زلزلے کا مرکز کشمیر اور بالاکوٹ کے علاقے تھے لیکن اس کی شدت سے تمام پاکستانیوں کے دل لزر اٹھے تھے اور وہ فوری مدد کے لئے اٹھ کھڑے ہوئے تھے۔ پاکستانی چاہے 
خوفناک کہانیاں، خون آشام روحیں، اور دیگر ڈراؤنے قصے اور کہانیاں ہم سب نے اپنے بچپن میں پڑھی ہوں گی۔ انہی مختلف خوفناک کہانیوں اور کرداروں کے درمیان ڈریکولا نامی کردار بھی شامل ہے جس کی کئی کہانیاں ہم بچپن میں ہی پڑھ لیتے ہیں۔ ڈریکولا ایک ایسی روح تھی جو زندہ انسانوں کا خون پیتی تھی ۔ جس انسان کا وہ خون پیتی وہ خون کی کمی کی وجہ سے موت کا شکار ہو جاتا اور مرنے کے بعد وہ بھی انسانوں کا خون پینے لگ جاتا۔ ڈریکولا ایک مشہور کردار ہے اور کئی مصنفین نے اس کردار کے گرد گھومتی کہانیاں لکھی ہیں یہ کہانیاں ہر ذبان کے ادب میں موجود ہیں۔ تاہم یہ کردار اصل میں آئرش مصنف بریم اسٹوکر کی تخلیق ہے۔ ان کا لکھا ناول جس میں اس خون آشام روح کے کردار کو پیش کیا گیا ہے، کا عنوان بھی ڈریکولا ہی ہے۔ یہ ناول 1897 میں لکھا گیا تھا اور بریم اسٹوکر کی وجہ شہرت بھی یہی ناول ہے۔ ڈریکولا کی عوامی مقبولیت کے باعث کئی مصنفین نے اس کردار کو لے کر اپنی اپنی تخلیقات پیش کی ہیں جیسا کہ ہم نے ذکر کیا کہ بچے بچپن میں ہی ڈریکولا کی کئی کہانیاں پڑھ لیتے ہیں۔ تاہم ہر مصنف کی تخلیقی صلاحیت دوسرے سے مختلف ہوتی ہے، یہی وجہ ہے کہ جب ہم نے بریم اسٹوکر کے لکھے ڈریکولا ناول کا اردو ترجمہ پڑھا تو ہمیں اندازہ ہوا کہ ڈریکولا کے بارے میں کئی کہانیاں پڑھنے کے باوجود جو مزا اور لطف اس کے اصلی تخلیق کار کے تخیل کو پڑھنے میں ہے وہ کسی اور میں نہیں۔ دوسرے الفاظ میں اصل، اصل ہی ہوتا ہے۔ ہم اس ضمن میں مظہر الحق علوی صاحب کے شکر گزار ہیں کہ ان کے توسط سے اصل ناول کا ترجمہ اردو ذبان کے قارئین تک پہنچا۔ 
نمرہ جی کی مقبولیت یقیناً ان کے منفرد کام کی وجہ سے ہے۔ آپ کی ہیروئن روتی ہوئی ایسی مظلوم حسینہ نہیں ہوتی جو یا تو سوتیلے خاندان کے ظلم و ستم کا شکار ہوتی ہے یا پھر ظالم ساس یا شوہر کے ہتھے چڑھی ہوتی ہے۔ آپ کے ناولوں میں پایا جانے والا ماحول روایتی ماحول سے مختلف ہے جہاں ہیروئن پڑھی لکھی ہونے کے ساتھ ساتھ باہمت اور سمجھدار ہوتی ہے اور خود سے فیصلہ کرنے کی صلاحیت رکھتی ہے۔ یہ خوش آئند بات ہے۔ روایتی ناولوں کی بھیڑ چال میں ایسے ناول تازہ ہوا کے جھونکے کی طرح محسوس ہوتے ہیں جو قاری کو نئی دنیا اور نئے کرداروں سے روشناس کراتے ہیں۔
سلطانہ رضیہ، رضیہ سلطانہ یا پھر رضیہ سلطان اسلامی اور خصوصاً برِصغیر پاک و ہند کی تاریخ کا ایک اہم نام ہے۔ آپ ترک نسل سےتھیں اور بادشاہ شمس الدین التمش کی صاحبزادی تھیں۔ آپ وہ واحد خاتون ہیں جنہیں سلطنتِ دہلی کی حکمرانی کا اعزاز حاصل ہے۔ آپ تاریخ کی ان چند بہادر اور باہمت خواتین میں شامل ہیں جنہوں نے ایک بڑی سلطنت پہ حکومت کی اور اسی وجہ سے “سلطان“ کہلائیں۔ رضیہ سلطان کو نہ صرف تخت دہلی کی واحد اور پہلی خاتون حکمران ہونے کا اعزاز حاصل ہے بلکہ آپ کی زندگی میں کئی فلمسسازوں، ڈرامہ نگاروں اور مصنفین کی دلچسپی رہی ہے جنہوں نے حقیقت اور فسانے کو ملا کے کئی شاہکار تخلیق کئے ہیں۔
Its "Kitaabistan", the world of books 