130- Inferno by Dan Brown

Inferno by Dan Brown

inferno-dan-brownمصنف:ڈین براؤن

صنف: ناول، انگریزی ادب

صفحات: 461

سن اشاعت: 2013

ISBN: 978-1-845-95067-5

کسی بھی مصنف کی کامیابی کی نشانی یہ ہے کہ اس کی ایک کتاب پڑھنے کے بعد قاری اس کی لکھی دیگر کتب پڑھنے کی خواہش محسوس کرے۔ ایسا ہی ڈین براؤن کے ساتھ بھی ہے۔ ان کا تحریر کردہ ایک ناول پڑھنے کے بعد ان کی دوسری کتابوں کے مطالعے کی تحریک پیدا ہوتی ہے۔ کتابستان میں گاہے بہ گاہے ان کے کام کو پیش کیا جاتا رہا ہے۔ ان کی ابتدائی کتب گرچہ بہت متاثر کن نہیں رہی ہیں لیکن وقت گزرنے کے ساتھ ساتھ براؤن کے لکھنے کے انداز میں بتدریج بہتری آئی ہے۔ ان کے سسپنس پیش کرنے کا طریقہ بہتر ہوا ہے۔ اینجلز اینڈ ڈیمنز، گرچہ موضوع کے اعتبار سے اک عمدہ اور منفرد ناول تھا، تاہم اس کے مطالعے کے کافی عرصے بعد تک بھی مصنف کی کوئی کتاب زیرِ مطالعہ نہ آ سکی، گرچہ نئے ناول منظر عام پہ آ چکے تھے۔ تاہم “دی لاسٹ سمبل” کا مطالعہ کرتے ہوئے احساس ہوا کہ اس ناول کو مکمل کئے بغیر ہاتھ سے رکھا نہیں جا سکتا۔ اس ناول کے اختتام پہ براؤن کے تازہ ترین ناول کی تلاش شروع ہوئی اور ہاتھ میں انفرنو آ گیا، جو ہمارا آج کا موضوع ہے اور آج کل دی ڈاونشی کوڈ ہمارے زیر مطالعہ ہے۔ امید ہے جلد ہی اس پہ لکھا گیا مضمون  کتابستان کا حصہ بنے گا۔ عمیرا احمد بابا یحییٰ خان کے بعد ڈین براؤن بھی ہماری اس فہرست میں شامل ہو گئے ہیں جن مصنفین کی آنے والی کتب کا ہم بےچینی سے انتظار کرتے ہیں۔ Continue reading 130- Inferno by Dan Brown

128-The jewel of seven stars by Bram Stoker

The jewel of seven stars by Bram Stoker

زندہ ممی از مقبول جہانگیر

The jewel of seven stars by Bram Stokerمصنف: بریم اسٹوکر

ترجمہ: زندہ ممی

مترجم: مقبول جہانگیر

صنف: ناول، خوفناک ناول، انگریزی ادب

صفحات: 213

سن اشاعت: 1903

خوفناک کہانیوں کی جب بات کی جائے تو “ڈریکولا” سے سب ہی واقف ہوں گے۔ یہ ناول انگریزی ادب میں کلاسک کا درجہ رکھتا ہے۔ یہ مشہور ناول اور کردار آئرش مصنف “بریم اسٹوکر” کا تخلیق کردہ ہے۔ ڈریکولا کے علاوہ بھی اسٹوکر کے کریڈٹ پہ کئی ناول اور مختصر کہانیاں ہیں جن میں سے ایک پہ آج بات ہو رہی ہے۔ اس ناول کا عنوان ہے “دی جیول آف سیون اسٹارز” یعنی سات ستاروں کا زیور۔ اس ناول کا اردو زبان میں ترجمہ مقبول جہانگیر صاحب کی مہربانی سے ہم تک پہنچا ہے۔ اس ترجمے کا مطالعہ آج سے کوئی پندرہ سولہ سال قبل کیا گیا تھا، کتابستان کے لئے مضمون لکھتے ہوئے اسے دوبارہ پڑھنے کا موقع ملا اور اتنے طویل عرصے کے بعد پڑھنے کے بعد بھی اس ناول نے اتنا ہی لطف دیا جتنا کہ پہلی بار مطالعہ کے دوران محسوس ہوا تھا۔ یہ یقیناً مصنف کی مہارت اور موضوع کی دلچسپی ہے کہ یہ ناول کسی بھی زمانے میں پرانا محسوس نہی ہوتا وہیں یہ مترجم کی بھی کامیابی ہے کہ اس نے اردو زبان کے قالب ڈھالتے ہوئے ناول کی دلچسپی کم نہیں ہونے دی۔ Continue reading 128-The jewel of seven stars by Bram Stoker

127- The history of the devil and the idea of evil by Paul Carus

The history of the devil and the idea of evil by Paul Carus

شیطان کی تاریخ: مختلف تہزیبوں اور مذاہب میں تصور شیطان کا تحقیقی جائزہ از پال کیرس اور یاسر جوادThe history of the devil

مصنف: پال کیرس

ترجمہ و تالیف: یاسر جواد

صنف: تحقیقی کتاب، فلسفہ، نان فکشن

صفحات: 208

قیمت: 300 روپے

سن اشاعت: 1900ء

اشاعت ترجمہ: ء 2014

ناشر: نگارشات پبلشرز

خدا کا تصور، ابتدائے آفرینش سے ہی انسان کے ہمراہ ہے۔ اس تصور کے ساتھ ہی اچھائی کی بنیاد وابستہ ہے۔ خیر اور شر کا چولی دامن کا ساتھ ہے۔ شر کو شیطان کی پشت پناہی حاصل ہے۔ کتابستان کی آج کی منتخب کردہ کتاب اسی منفرد موضوع کے بارے میں ہے۔ اس کتاب میں شیطان کو موضوع بنایا گیا ہے۔ یہ کتاب پال کیرس نے سن 1900 میں تحریر کی تھی۔ کیرس ایک جرمن امریکی مصنف تھے جن کی مہارت فلسفے اور مذاہب عالم کے تقابلی مطالعے میں تھی۔ دنیا بھر کے مذاہب میں جہاں خدا کا تصور پیش کیا گیا ہے وہیں ایک شر کی قوت کا بیان بھی موجود ہے۔ کیرس نے اسی شر کی قوت کے بارے میں پیش کردہ معلومات، تصورات اور وضاحتوں کو علیحدہ کرکے ایک کتاب کی شکل دے دی ہے۔ کتاب کا ترجمہ یاسر جواد نے کیا ہے جنہوں نے ترجمے کے ساتھ ساتھ اس کتاب میں ایک باب کا اضافہ بھی کیا ہے۔ کتاب میں شیطان کے اسلامی تصور پہ مبنی باب یاسر صاحب کا تحریر کردہ ہے۔ اور آخری باب کارل ساگان کی کتاب “توہمات کی دنیا” کے اقتباسات کی مدد سےترتیب دیا گیا ہے۔ کتاب کا دیباچہ یاسر جواد صاحب کا تحریر کردہ ہے اور وہ رقم طراز ہیں؛ Continue reading 127- The history of the devil and the idea of evil by Paul Carus

125-Regency Buck by Georgette Heyer

Regency Buck by Georgette Heyer

Regency Buck by Georgette Heyer

مصنفہ: جیورجٹ ہئر

صنف: ناول، انگریزی ادب

صفحات: 333

سن اشاعت: 1935

ISBN: 0-09-944685-5

انگریز مصنفہ جیورجٹ ہئر کا کتابستان میں ہم پہلے بھی تذکرہ کر چکے ہیں۔ آپ گزشتہ صدی کی مشہور مصنفہ ہیں جو اپنے ناولوں کی وجہ سے مشہور ہوئیں۔ آپ کے ناولوں میں عموماً سو سال قبل کے انگلستان کی عکاسی کی گئی ہے۔ ایک صدی قبل کے انگلستان کے حالات، رسوم و رواج، فیشن اور طور طریقوں کی عمدہ منظر کشی آپ کے ناولوں میں ملتی ہے۔ ان ناولوں کی رومانوی فضا، دلچسپ کہانی اور ایک صدی پرانی تفصیلات ان ناولوں کو وہ مخصوص پہچان دیتے ہیں  جو جورجئیٹ ہئر صاحبہ سے منسوب ہے۔ آج جس ناول پہ بات ہو رہی ہے وہ بھی ان تمام خصوصیات کا حامل ہے۔ Continue reading 125-Regency Buck by Georgette Heyer

123-The Man-eaters of Tsavo by John Henry Patterson

The Man-eaters of Tsavo by John Henry Patterson

تساوو کے آدم خور از جے۔ ایچ پیٹر سن

The man eaters of tsavoمصنف: جے۔ ایچ۔ پیٹر سن (جان ہنری پیٹر سن)

ترجم: تساوو کے آدم خور

مترجم: سید علاؤ الدین

صنف: نان فکشن، شکاریات

سن اشاعت: 1907

صفحات: 119

کتابستان میں شکاریات کے موضوع پہ آج سے پہلے ایک ہی کتاب پیش کی گئی ہے۔ یہ تبصرہ کتابستان کے ابتدائی دنوں میں پیش کیا گیا تھا اور یہ اس بلاگ پہ سب سے زیادہ پڑھی اور تلاش کی جانے والی کتابوں میں شامل ہے۔ اس سے اندازہ ہوتا ہے کہ قارئین شکاریات کے موضوع پہ کتابیں پڑھنے میں دلچسپی رکھتے ہیں۔ ہمارے لئے خوشی کا موقع ہے کہ ہم آج ایسے ہی قارئین کے لئے شکاریات کے موضوع پہ لکھی گئی کتاب پیش کر رہے ہیں۔ یہ کتاب انگریز مصنف جے ایچ پیٹر سن کے قلم سے نکلی ہوئی ہے اور سن 1907 میں پہلی بار شائع کی گئی۔ اس کتاب نے اپنے وقت میں ناصرف عوامی پسندیدگی حاصل کی بلکہ امریکی صدر روز ویلٹ اور برطانوی وزیراعظم سالسبری کی توجہ حاصل کرنے میں کامیاب رہی۔ اردو زبان کے قارئین کے لئے اس کتاب کا ترجمہ سید علاؤالدین صاحب نے تساوو کے آدم خور کے عنوان سے کیا ہے۔ Continue reading 123-The Man-eaters of Tsavo by John Henry Patterson

119-The old man and the sea by Ernest Hemingway

The old man and the sea by Ernest Hemingway

بوڑھا اور سمندر از ارنسٹ ہمنگ وے

The old man and the seaمصنف: ارنسٹ ہمنگ وے

ترجمہ: بوڑھا اور سمندر

مترجم: ابن سلیم

صنف: ناول، امریکی ادب

سن اشاعت: 1952

ارنسٹ ہمنگ وے ایک نوبل انعام یافتہ امریکی مصنف اور صحافی تھے۔ آپ نے کئی ناول اور مختصر کہانیاں لکھی ہیں۔ “دی اولڈ مین اینڈ دی سی” جس کا اردو ترجمہ بوڑھا اور سمندر کے عنوان سے کیا گیا ہے، آپ کی لکھی ہوئی وہ تحریر ہے جس نے آپ کو نوبل انعام کا حقدار قرار دلوانے میں اہم کردار ادا کیا۔ یہ آپ کا بہترین ناول شمار کیا جاتا ہے۔ اس ناول کو ادب کا پلٹزر انعام بھی دیا گیا ہے۔

بوڑھا اور سمندر ایک عمر رسیدہ مچھیرے کی داستان ہے۔ اس مچھیرے کا نام سان تیاگو تھا۔ ناول کی کہانی اس وقت شروع ہوتی ہے جب سان تیاگو سمندر میں مسلسل چوراسی دن تک ماہی گیری کرنے کے باوجود ایک بھی مچھلی پکڑنے میں کامیاب نہ ہو سکا۔ یہ انتہا درجے کی بدقسمتی تھی۔ اسی بدقسمتی کی وجہ سے اس کے شاگرد مینولن کے والدین نے اسے سان تیاگو کے ساتھ کام کرنے سے منع کر دیا تھا۔ Continue reading 119-The old man and the sea by Ernest Hemingway

117-The lost symbol by Dan Brown

The lost symbol by Dan Brown

The Lost Symbolمصنف: ڈین براؤن
صنف: ناول، امریکی ادب
زبان: انگریزی
صفحات:۴۶۲
سن اشاعت: ۲۰۰۹
مشہور امریکی مصنف ڈین براؤن کا ناول، دی لوسٹ سمبل جس کا اردو ترجمہ ’گمشدہ نشان‘ ہو سکتا ہے ان کی مشہور رابرٹ لینگڈن سیریز کا حصہ ہے۔ را برٹ لینگڈن ، ڈین براؤن کا تخلیق کردہ کردار کا نام ہے۔ یہ کردار ہاورڈ یونیورسٹی کا ایک درمیانی عمر کا پروفیسر ہے جس کی مہارت قدیم تہذیبوں کی تصویری زبانیں ہیں۔ دی لاسٹ سمبل، رابرٹ لینگڈن سیریز کا تیسرا ناول ہے۔ اس سے پہلے دو ناول دی ڈاونشی کوڈ اور دی اینجلنز اینڈ ڈیمنز نے بہت مقبولیت حاصل کی اور بیسٹ سیلرز کی لسٹ میں شامل ہوئے۔ موجودہ ناول  بھی بیسٹ سیلر کی لسٹ میں شامل ہے۔
Continue reading 117-The lost symbol by Dan Brown

114-Doomsday and life after death by Sultan Bashir Mehmood

Doomsday and life after death by Sultan Bashir Mehmood

قیامت اور حیات بعد الموت از سلطان بشیر محمود

Doomsday and life after deathمصنف: سلطان بشیر محمود

نام ترجمہ: قیامت اور حیات بعد الموت

مترجم: میجر (ر) امیر افضل خان

صنف: نان فکشن، اسلام اور سائنس، تحقیق

صفحات: 570

سن اشاعت: 1987

ناشر: القرآن الحکیم ریسرچ فاؤنڈیشن، اسلام آباد

ڈومز ڈے اینڈ لائف آفٹر ڈیتھ، جس کا اردو ترجمہ “قیامت اور حیات بعد الموت” کے عنوان سے کیا گیا ہے، سلطان بشیر محمود صاحب کی تصنیف ہے۔ بشیر صاحب کا تعارف ہم کتابستان میں پیش کی گئی ان کی ایک اور کتاب کے تعارف کے دوران کروا چکے ہیں۔ اس بلاگ کے آخر میں اس کتاب کا ربط موجود ہے جہاں سے قارئین اس تعارف تک پہنچ سکتے ہیں۔ اس کتاب کے آغاز میں کتاب کے تعارف کے طور پہ درج ہے،

“قرآن حکیم، فرمودات رسول اللہ صلی اللہ علیہ وسلم اور جدید سائنسی دریافتوں کی روشنی میں تخلیق کائنات، مومن کا فلسفہ حیات، کائنات میں انسان کا مقام اور مقاصد تخلیق، زندگی، موت، جسم، نفس، روح، ملائکہ اور جنات کے حقائق، قیامت عالم قبور،عالم برزخ، آخرت، روز محشر، جزا و سزا، جنت و دوزخ کے حالات یعنی یہ کتاب زمان و مکان میں ابتدا سے انتہا تک انسانی سفر کی داستان پہ ایک حقیقی مدلل اور سائنٹیفک تجزیہ ہے”۔ Continue reading 114-Doomsday and life after death by Sultan Bashir Mehmood

107-The reluctant fundamentalist by Mohsin Hamid

The reluctant fundamentalist by Mohsin Hamid

ReluctantFundamentalistمصنف: محسن حامد

صنف: ناول، پاکستانی ادب

زبان: انگریزی

صفحات: ۲۰۰

سن اشاعت: ۲۰۰۷

محسن حامد پاکستانی ادیب ہیں جنہیں سن ۲۰۰۰ میں لکھے اپنے پہلے انگریزی ناول ’موتھ اسموک‘ کی وجہ سے بہت شہرت حاصل ہوئی۔ آپ کا دوسرا ناول ’دی ریلکٹنٹ فنڈامینٹلسٹ‘ جو آج کا ہمارا موضوع ہے ، نے بھی کامیابی کے نئے جھنڈے گاڑے۔ گزشتہ سال آپ کا تیسرا ناول بھی منظر عام پہ آیا ہے اور اس نے بھی بہت مقبولیت حاصل کی ہے۔آپ کے ناولوں کو بکر پرائز کے لئے شارٹ لسٹ بھی کیا گیا ہے۔ ٓپ کے ناولوں پہ فلمیں بھی بنائی جا رہی ہیں ۔ محسن حامد نے اپنی آدھی سے زیادہ زندگی پاکستان اور خصوصاً لاہور میں گزاری ہے۔ تاہم آپ کا بچپن امریکی شہر کیلی فورنیا میں گزرا ہے۔ آپ نے ہاورڈ اور پرسٹن یونیورسٹی سے تعلیم بھی حاصل کی ہے۔ کتابستان آج آپ کی کتاب کا تعارف و تبصرہ پیش کرتے ہوئے خوشی محسوس کر رہا ہے۔ Continue reading 107-The reluctant fundamentalist by Mohsin Hamid

105- Evidence of afterlife: The science of near death experiences by Jeffrey Long, MD with Paul Perry

Evidence of afterlife: The science of near death experiences by Jeffrey Long, MD with Paul Perry

evidence_of_the_afterlifeمصنف: جیفرے لانگ، پال پیری

صنف: نان فکشن، تحقیقی ، سائنسی

صفحات: ۲۳۴

ناشر: ہارپر کولنز ای بکس

سن اشاعت: ۲۰۱۰

موت انسانی زندگی کی ایک اٹل حقیقت ہے۔ اس دنیا میں آنے والی ہر روح کو موت کا ذائقہ چکھنا ہے۔ ہر زندگی اپنی پیدائش سے شروع ہوتی ہے اور موت پہ جا کے اس کا اختتا م ہوتا ہے۔ موت کے بعد کیا ہے؟ یہ ایک ایسا سوال ہے جس کا حتمی جواب کسی کے پاس نہیں، کیونکہ مرنے والا کبھی لوٹ کے واپس نہیں آیا۔ موت کی حقیقت کے بارے میں دنیا کے مختلف عقائد کے ماننے والوں کے مختلف خیالات ہیں۔ کچھ عقائد میں مرنے کے بعد دوسرے جنم کا تصور ہے۔ ان لوگوں کا ماننا ہے کہ مرنے والا ایک نیا جنم لے کے دنیا میں واپس آجاتا ہے۔ اس نئے جنم میں اسے کس طرح کی زندگی ملے گی اس کی بنیاد اس کے گزشتہ جنم میں کئے گئے اعمال پہ ہو گی۔ اور یہ سلسلہ اس روح کے سات جنموں تک چلتا ہے۔ کچھ لوگوں کا خیال ہے کہ مرنے کے بعد کوئی زندگی نہیں، کوئی نیا جنم نہیں لیا جاتا، یہ دنیا کی زندگی ہی ہے جو سب کچھ ہے، مرنے کے بعد کچھ نہیں۔ تاہم یہ اعتقادات کی باتیں ہیں۔ دلچسپ بات یہ ہے کہ سائنس بھی اس موضوع میں دلچسپی رکھتی ہے وہ بھی اس سوال کا جواب لگانے کی کوشش کر رہی ہے کہ مرنے کے بعد کیا ہوتا ہے، یا موت کیا ہے، کیا یہ زندگی کا اختتام ہے یا سفر کی ایک منزل کی طرف روانگی ہے۔ کتابستا ن میں آج اسی موضوع کے بارے میں بات کرنے کے لکھی گئی ایک سائنسی تحقیقی کتاب منتخب کی گئی ہے۔ اس کتاب کا اردو عنوان ’حیات بعدالموت کے شواہد‘ ہو سکتا ہے۔ یہ کتاب میڈیکل ڈاکٹر جیفرے لانگ صاحب کی تحریر کردہ ہے اور اس کام میں ان کی مدد پیری پال نے کی ہے۔
کتابستان میں اس موضوع پہ پہلے بھی کچھ کتب پیش کی جا چکی ہیں جن میں موت کی حقیقت مذہبی نقطہ نظر سے پیش کی گئی ہے۔ ان کتب کے عنوانات ہیں:
Continue reading 105- Evidence of afterlife: The science of near death experiences by Jeffrey Long, MD with Paul Perry

104- Not a penny more, not a penny less by Jeffrey Archer

Not a penny more, not a penny less by Jeffrey Archer

not-a-penny-more-not-a-penny-less مصنف: جیفری آرچر

صنف:  ناول،انگریزی ادب

سن اشاعت: ۱۹۷۶

ناٹ اے پینی مور، ناٹ اے پینی لیس، جس کا اردو ترجمہ ’نہ ایک پیسہ زیادہ ، نہ ایک پیسہ کم‘ ہو سکتا ہے، مصنف جیفری آرچر کا پہلا ناول ہے۔ یہ ایک سسپنس تھرلر ناول ہے جس کے متعلق کہا جاتا ہے کہ اس کی کہانی جیفری آرچر کی ذاتی زندگی سے اٹھائی گئی ہے۔ آرچر ایک انگریز مصنف اور سیاستدان ہیں۔ مصنف بننے سے پہلے آپ پارلیمنٹ کے ممبر تھے۔ تاہم مالی بےضابطگیوں کے اسکینڈلز کی وجہ سے آپ کو استعفیٰ دینا پڑا۔ آپ کے پہلے ناول نے ہی بے انتہا کامیابی حاصل کی اور آپ کو دیوالیہ ہونے سے بچا لیا۔ اس ناول کی بعد ازاں پکچرائزیشن بھی کئی گئی۔ آرچر نے اس کے بعد کئی ناول لکھے جنہوں نے بہت کامیابی حاصل کی۔ Continue reading 104- Not a penny more, not a penny less by Jeffrey Archer

097-Blasphemy by Tehmina Durrani

Blasphemy by Tehmina Durrani

کفر از تہمینہ درانی

Blasphemyنام ترجمہ: کفر

مصنفہ: تہمینہ درانی

مترجم: میجر آفتاب احمد

صنف: ناول، پاکستانی ادب

صفحات: 265

سن اشاعت:1999

ناشر: پینگوئن بکس، مطبوعہ فیروز سننز پرائیویٹ لمیٹڈ

تہمینہ درانی صاحبہ، پاکستان کے پہلے وزیر اعظم جناب لیاقت علی خان صاحب کی پوتی ہیں۔ آپ کا ادبی سفر آپ کی لکھی ہوئی کتاب “مائی فیوڈل لارڈ” سے شروع ہوا۔ اس کتاب کا اردو ترجمہ “مینڈا سائیں” کے عنوان سے موجود ہے۔ یہ کتاب تہمینہ صاحبہ کی سوانح عمری ہے اس میں آپ نے اپنی شادی شدہ زندگی اور شوہر کے سلوک کی تفصیلات پیش کی ہیں۔ اس کتاب کو غیر معمولی شہرت حاصل ہوئی اور آج بھی آپ کے حوالے کے طور پہ اس کتاب کا نام جانا جاتا ہے۔ تہمینہ نے اور کتب بھی لکھی ہیں جن میں جناب ایدھی صاحب کی سوانح حیات بھی شامل ہے۔ کتابستان میں آج جو کتاب شامل ہونے جا رہی ہے وہ سوانح حیات نہیں ہے بلکہ ایک ناول ہے۔ آپ نے یہ ناول انگریزی زبان میں لکھا تھا جو 1999 میں شائع ہوا۔ بعد میں اس کا اردو ترجمہ کفر کے عنوان میجر آفتاب احمد صاحب نے کیا اور یہ کتاب اب اردو زبان پڑھنے والے قارئین کے لئے بھی دستیاب ہے۔ Continue reading 097-Blasphemy by Tehmina Durrani

095- Tell me your dreams by Sidney Sheldon

Tell me your dreams by Sidney Sheldon

Tell me your dreamsمصنف: سڈنی شیلڈن

صنف: سسپنس، امریکی ادب، انگریزی ادب

صفحات: 384

سن اشاعت: 1999

سڈنی شیلڈن وہ مصنف ہیں جنہیں اپنی پہلی کتاب کی اشاعت سے ہی پسندیدگی کی سند حاصل ہو گئی تھی۔ آپ نے زیادہ تر سسپنس تھرلر ناول لکھے ہیں اور ہر ناول بیسٹ سیلر ثابت ہوا ہے۔ آپ کے پاس گینیز بک آف ورلڈ ریکارڈ کا اعزاز بھی ہے جس کے مطابق آپ وہ مصنف ہیں جن کے ناول دنیا کی سب سے زیادہ زبانوں میں ترجمہ کئے گئے ہیں۔ اس سے یہ بھی پتا چلتا ہے کہ آپ کی شہرت صرف امریکہ یا انگریزی زبان جاننے والے قارئین تک ہی محدود نہیں رہی بلکہ دنیا کے کونے کونے تک آپ کے ناولز پہنچے ہیں۔ اردو میں بھی آپ کے ناولز موجود ہیں۔ کتابستان میں پہلے بھی آپ کی کئی کتابوں پہ بات ہوئی ہے۔ آج کا ہمارا موضوع آپ کا لکھا ہوا ایک ناول ہے جس کا عنوان ہے، “ٹیل می یور ڈریمز” یعنی مجھے اپنے خواب بتاؤ۔ Continue reading 095- Tell me your dreams by Sidney Sheldon

093- عام الفیل از لیلیٰ ابو زید

عام الفیل از لیلیٰ ابو زید

Year of the elephant by Laila Abouzeid

Ababeel by Laila Abu Zaidنام ترجمہ: ابابیل

مصنفہ: لیلیٰ ابو زید

مترجم: عارفہ سیدہ زہرہ

صنف: ناول، مراکشی ادب، عربی ادب

صفحات: 101

ناشر: مشعل، عثمان بلاک، نیو گارڈن ٹاؤن لاہور 54600، پاکستان

کتابستان میں ہماری کوشش ہے کہ ہم تبصرے اور تعارف کو پاکستانی مصنفین کی لکھی ہوئی کتب اور تصانیف کی حد تک محدود نہ رکھیں بلکہ دنیا بھر کے مختلف گوشوں سے تعلق رکھنے والے مصنفین کے کام سے آپ کو متعارف کرایا جائے۔ اسی کاوش کے ضمن میں گزشتہ صفحات پہ کئی غیر ملکی مصنفین کے کاموں کی تفصیلات موجود ہیں جن میں انگریزی، امریکی، برازیلی، روسی، ترک، افغان ادب سے کچھ انتخابات کو پیش کیا گیا ہے۔ اسی سلسلے کو آج ایک قدم اور اگے بڑھا رہے ہیں۔ آج ہم جس کتاب کے بارے میں بات کرنے جا رہے ہیں وہ ایک مراکشی ادیبہ کی لکھی ہوئی ہے۔ کتاب کا عنوان ہے “عام الفیل” اور یہ سن 1980 میں عربی ذبان میں تحریر کی گئی تھی۔ 1989 میں اس کا ترجمہ انگریزی زبان میں ہوا اور کچھ سال پہلے اس کا اردو ترجمہ محترمہ عارفہ سیدہ زہرہ کے توسط سے اردو زبان کے قارئین تک پہنچا ہے۔ Continue reading 093- عام الفیل از لیلیٰ ابو زید

089- She by Henry Rider Haggard

She by Henry Rider Haggard

She  by Rider Haggardمصنف: ہنری رائڈر ہیگرڈ

نام ترجمہ: پراسرار روح

صنف: ناول، انگریزی ادب

صفحات: 206

سر ہنری رائڈر ہیگرڈ ایک مشہور انگریز ناول نگاری تھے آپ کا زمانہ 1856 سے 1925 کے درمیان کا ہے۔ آپ نے مہم جوئی، تخیلاتی اور گم شدہ دنیاؤں کی تلاش کے موضوعات پہ کئی بہترین ناول لکھے ہیں۔ خصوصاً کمشدہ دنیاؤں کی تلاش کے موضوع کا آپ کو بانی قرار دیا جاتا ہے۔ آپ کے بعد کئی ناول نگاروں نے مہم جوئی اور گمشدہ دنیاؤں کے بارے میں قلم اٹھایا۔ کئی فلمیں بھی ان موضوعات پہ بنائی گئیں جن میں سے ایک سلسلہ انڈیانا جونز سیریز کا ہے جس میں بھی مہم جوئی اور قدیم دنیاؤں کی تلاش کو موضوع بنایا گیا ہے۔ ہنری رائڈر ہیگرڈ اپنے وقت کے ایک مشہور ناول نگار تھے آپ کے قلم سے کئی ناول نکلے جنہوں نے غیر معمولی مقبولیت حاصل کی۔ آپ کے کئی ناول اب سکولوں کے نصاب میں بھی شامل ہیں۔ اور کئی ناولوں کی کہانی کو بعد میں مزید آگے بھی بڑھایا گیا ہے۔ آپ کے ناولوں کے تراجم کئی زبانوں میں کئے جا چکے ہیں۔ Continue reading 089- She by Henry Rider Haggard

086- Digital Fortress by Dan Brown

Digital Fortress by Dan Brown

Digital fortressمصنف: ڈین براؤن

زبان: انگریزی

صنف: ناول، انگریزی ادب

سن اشاعت: 1998

ڈین براؤن کی کتابوں کا پہلے بھی تعارف پیش کیا جا چکا ہے۔ آج ہمارا موضوع جو کتاب ہے وہ ڈین براؤن صاحب کی سب سے پہلی کتاب ہے۔ کتاب کا عنوان ہے “ڈیجیٹل فورٹریس”۔ یہ کتاب 1998 میں شائع ہوئی تھی۔ یہ ایک تھرلر فکشن ناول ہے جس کی خاص بات اس کی تیز رفتاری ہے۔ ڈیجیٹل فورٹریس گرچہ ڈین براؤن کا پہلا ناول ہے تاہم اس کا موضوع یونیک ہے۔ اس میں براؤن نے ای میل اور انٹرنیٹ پہ بھیجے جانے والے پیغامات کی پرائیویسی کے بارے میں سوال اٹھائے ہیں۔ انہوں نے یہ بتایا ہے کہ حکومتیں ہر پیغام کو پڑھتی ہیں۔ اس مقصد کے لئے باقاعدہ الگ ڈیپارٹمنٹ موجود ہے جس کے پاس جدید ترین سہولیات موجود ہیں۔ ناول کی اشاعت کے سولہ سال بعد یعنی 2014 میں ہم یہ بات جانتے ہیں کہ حکومتیں تمام ای میلز، میسیجز کو پڑھتی ہیں یعنی الیکٹرانک گفتگو اور ڈیجیٹل ورلڈ میں کچھ بھی پرائیویسی باقی نہیں، ہر پیغام حکومتی محافظوں کی نظر سے گزرتا ہے۔ حکومتیں جہاں اس معاملے کو سیکیوریٹی کے لئے ضروری قرار دیتی ہیں وہیں ایک عام آدمی کے لئے یہ اس کی ذاتی زندگی میں دخل اندازی کے مترادف ہے اور اسے پورا حق حاصل ہونا چاہئے کہ وہ اپنی معلومات کو کسی بھی دوسرے کی نظروں سے محفوظ رکھ سکے۔ نیز یہ کہ ایک عام آدمی کو علم بھی نہیں کہ اس کی خفیہ نگرانی ہو رہی ہے۔ Continue reading 086- Digital Fortress by Dan Brown

079- April lady by Georgette Heyer

April lady by Georgette Heyer

April ladyمصنفہ: جیورجٹ ہیئر

صنف: ناول، انگریزی ادب

سن اشاعت: 1957

جیورجٹ ہیئر، ایک مشہور برطانوی انگریز ادیبہ تھیں جن کی وجہ شہرت رومانوی کہانیاں ہیں۔ آپ کا انتقال 1974 میں ہوا۔ آپ کئی مشہور ناولوں کی مصنفہ ہیں۔ کتابستان میں آج پہلی بار آپ کے ناول پہ بات ہونے جا رہی ہے۔ ہمیں امید ہے کہ مستقبل میں مزید ناول بھی کتابستان کا حصہ بنیں گے۔

“اپریل لیڈی” ایک رومانوی داستان ہے جس میں 1813 کا زمانہ دکھایا گیا ہے۔ یہ ہیلن کارڈروس کی کہانی ہے جو ایک امیر آدمی “ارل آف کارڈروس” کی بیوی ہے۔ ہیلن بذات خود بھی ایک امیر گھرانے سے تعلق رکھتی تھی لیکن بدقسمتی سے اس کے والد اور بھائی اپنے خاندانی وقار کو برقرار نہیں رکھ سکے اور بدحالی کا شکار ہو گئے۔ Continue reading 079- April lady by Georgette Heyer

076- Are you afraid of dark? by Sidney Sheldon

Are you afraid of dark? by Sidney Sheldon

Are You Afraid of The Darkمصنف: سڈنی شیلڈن
زبان: انگریزی
صفحات: 161

آر یو آفریڈ آف ڈارک؟ مشہور مصنف سڈنی شیلڈن کے قلم سے نکلا ہوا آخری شاہکار ہے جو سن 2004 میں منظر عام پہ آیا۔ ناول نے حسب معمول مقبولیت کے ریکارڈ قائم کئے اور بیسٹ سیلر ناولوں میں شامل ہوا۔ ہم نے کتابستان کے ہی صفحات میں ذکر کیا تھا کہ علیم الحق حقی صاحب نے اپنے ناول “دجال” کے آخری حصے کی کہانی اس ناول سے لی ہے۔ اس لئے وہ قارئین، جنہوں نے دجال کا پہلے مطالعہ کیا ہوا ہے انہیں یہ ناول نیا محسوس نہیں ہوگا۔

سڈنی شیلڈن کے اس ناول میں وہ تمام اجزاء شامل ہیں جن کے لئے وہ مشہور ہیں، جیسے سسپنس، رومانس، تھرل، وغیرہ۔ ناول کا آغاز چار قتل کی وارداتوں سے ہوتا ہے۔ یہ قتل دنیا کے مختلف حصوں میں پوئے اور بظاہر ان کا آپس میں کوئی تعلق نہیں تھا۔ لیکن چاروں مقتولوں میں ایک بات مشترک تھی اور وہ یہ کہ وہ ایک ہی مشہور کمپنی کے لئے کام کر رہے تھے۔ ان میں سے دو مقتولین کی بیواؤں کو اس کمپنی کے مالک نے ملنے کے لئے بلایا اور یہیں سے تھرل کا ایک نا ختم ہونے والا سلسلہ شروع ہوتا ہے۔ ان خواتین کو ایسا محسوس ہوتا ہے کہ کوئی ان کی جان کے پیچھے ہے اور شاید وہ کوئی ایسا راز جانتی ہیں جو ان کے شوہروں کے کاموں سے منسلک ہے۔ اور اسی راز کی وجہ سے ان کی جان چلی گئی۔
Continue reading 076- Are you afraid of dark? by Sidney Sheldon

072- Forty rules of love by Elif Shafak

Forty rules of love by Elif Shafak

Forty rules of loveزبان:انگریزی

مصنفہ: ایلف شفق

ادب: ترکی

ایلف شفق، ایک مشہور ترک خاتون لکھاری ہیں۔ آپ انگریزی اور ترکی دونوں زبانوں میں لکھتی ہیں۔ آپ کے قلم۔ سے کئی ناول نکل چکے ہیں، جنہوں نے بین الاقوامی شہرت حاصل کی ہے، تاہم کتابستان میں آج پہلی بار آپ کے بارے میں بات ہو رہی ہے۔ ہمیں امید ہے کہ ہم آپ کی باقی کتب کو بھی کتابستان کا موضوع بنائیں گے۔ ان شاء اللہ۔

“فورٹی رولز آف لو” کا آسان ترجمہ “محبت کے چالیس اصول” ہو سکتا ہے۔ عنوان سے اندازہ ہوتا ہے کہ شاید یہ “زندگی گزارنے کے بہترین اصول” ٹائپ کی کوئی کتاب ہوگی، لیکن ایسا نہیں ہے یہ ایک طویل ناول ہے۔ بنیادی طور پہ یہ “ایلا” کی کہانی ہے جو ایک یہودی ہاؤس وائف ہے جس کی زندگی بچوں کی دیکھ بھال کرنے اور طرح طرح کے کھانے پکانے میں گزر رہی ہے۔ وہ عنقریب چالیس سال کی ہونے والی ہے لیکن ایک لگی بندھی روٹین کی زندگی گزار رہی ہے۔ اس کی زندگی میں محبت کے لئے کوئی جگہ نہیں ہے، وہ محبت کو فضول کام سمجھتی ہے، یہی وجہ ہے کہ جب اس کی بیٹی پسند کی شادی کرنے کا اعلان کرتی ہے تو وہ اس کی سختی سے مخالفت کرتی ہے۔ Continue reading 072- Forty rules of love by Elif Shafak

067-The legend of sleepy hollow by Washington Irving

The legend of sleepy hollow by Washington Irving

sleepy hollowمصنف: واشنگٹن ارونگ

زبان: انگریزی

سن اشاعت: 1820

نام ترجمہ: سر کٹا گھڑ سوار

مترجم: ریاض احمد

ناشر: فیروز سنز پبلی کیشنز

واشنگٹن ارونگ، انیسویں صدی کے ایک امریکی مصنف تھے۔ آپ نے زیادہ شہرت اپنی مختصر کہانیوں سے حاصل کی۔ آپ کے کام کو اس وقت کے یورپ میں بھی پسند کیا گیا۔ یعنی آپ کی شہرت بین الاقوامی نوعیت کی تھی۔ کتابستان میں آج آپ کی مختصر کہانیوں کے ایک مجموعے کو موضوع بنایا گیا ہے۔ یہ مجموعہ بھی کافی پرانا ہے۔ یہ ترجمہ 1975 میں ریاض احمد صاحب نے کیا اور فیروز سنز پبلی کیشنز والوں نے شائع کیا۔ انیسویں صدی میں جب یہ کہانیاں شائع ہوئی ہوں گی تو یقیناً بڑوں نے انہیں شوق سے پڑھا ہوگا، لیکن اب انہیں پڑھتے ہوئے بچوں کی کہانیوں جیسا احساس ہوتا ہے۔ ایسا اس لئے ہے کہ وقت گزرنے کے ساتھ ساتھ انسانی معلومات اور علم میں اضافہ ہوتا چلا آیا ہے۔ ہر دور کے بچے پچھلے دور کے بچوں سے تیز اور سمجھدار ہوتے جا رہے ہیں۔ اور یہی وجہ ہے کہ اب ہم ان کہانیوں کو بچوں کی کہانیاں قرار دے رہے ہیں۔ Continue reading 067-The legend of sleepy hollow by Washington Irving

060- A thousand splendid suns by Khaled Hosseini

060- A thousand splendid suns by Khaled Hosseini

a-thousand-splendid-suns-movie-posterمصنف: خالد حسینی
زبان: انگریزی
صفحات: 219
سن اشاعت: 2007

خالد حسینی افغان امریکی مصنف ہیں۔ آپ کی پیدائش افغانستان کی ہے لیکن آپ کے والد ایک سفیر تھے جس کی وجہ سے آپ کا زیادہ تر وقت ملک سے باہر گزرا۔ بعد میں افغانستان کے حالات کے باعث آپ کے خاندان نے امریکہ میں پناہ حاصل کر لی اور آپ بھی وہیں مقیم ہو گئے۔ “اے تھاؤزینڈ سپلینڈڈ سنز” آپ کے قلم سے نکلا ہوا دوسرا ناول ہے۔ آپ کا پہلا ناول ” دی کائٹ رنر” تھا جس نے آپ کو بہت زیادہ شہرت دلائی۔ یہ دوسرا ناول بھی توقعات پہ پورا اترا ہے اور اس نے بھی بیسٹ سیلر ناول کا درجہ حاصل کیا ہے۔ حال ہی میں آپ کا تیسرا ناول بھی شائع ہوا ہے امید ہے کہ یہ بھی آپ کے باقی ناولوں کی طرح مقبولیت کی سند حاصل کرنے میں کامیاب رہے گا۔ کتابستان میں ہماری کوشش رہے گی کہ آپ کے دیگر دو ناولوں پہ بھی بات کی جائے۔

“اے تھاؤزینڈ سپلینڈڈ سنز” کا اردو میں ترجمہ “ہزار شاندار سورج” ہو سکتا ہے۔ یہ ناول گرچہ انگریزی زبان میں لکھا گیا ہے لیکن اس کی کہانی افغانستان سے اٹھائی گئی ہے۔ مصنف گرچہ اب امریکہ میں مقیم ہیں لیکن ہم اس ناول کو افغان ادب کی کیٹیگری میں رکھ سکتے ہیں۔ مصنف کے لکھے ہوئے پہلے ناول، دی کائٹ رنر، کو باآسانی مردوں کی کہانی کہا جا سکتا ہے۔ اس بات کا مصنف نے خود اعتراف بھی کیا ہے اور اسے باپ بیٹے کی کہانی قرار دیا ہے۔ اسی طرح اس ناول کو عورتوں کی کہانی کہا جا سکتا ہے اور مصنف کے بقول یہ ماں بیٹی کے تعلق کی کہانی ہے۔

ناول کی کہانی دو عورتوں، مریم اور لیلیٰ، کے گرد گھومتی ہے جن میں ایک مرد مشترک تھا، یعنی ان کا شوہر رشید۔ Continue reading 060- A thousand splendid suns by Khaled Hosseini

057- Princess by Jean Sussan پرنسس از جین ساسون

Princess by Jean Sasson

پرنسس از جین ساسون

نام کتاب: پرنسس
مصنفہ: جین ساسون
نام ترجمہ: پرنسس
مترجم: محمد احسن بٹ
صفحات: 216
قیمت: 250 روپے
سن اشاعت: 2012
ناشر: نگارشات پبلشرز، 24 مزنگ روڈ لاہور

جین ساسون ایک امریکی مصنفہ ہیں۔ آپ کے کام کا زیادہ تر حصہ مشرق وسطیٰ کی خواتین کے بارے میں ہے۔ آپ کے قلم سے ایسی کتب نکل چکی ہیں جن میں آپ نے عرب خواتین کی حالت زار اور مسائل پہ روشنی ڈالی ہے۔ آپ کے قلم سے نکلی ہوئی کتب میں The Rape of Kuwait، Princess: A True Story of Life Behind the Veil in Saudi Arabia، Princess Sultana’s Daughters، Mayada: Daughter of Iraq اور دیگر کتب شامل ہیں۔

کتابستان میں آج آپ کی جو کتاب شامل ہو رہی ہے اس کا عنوان ہے پرنسس، یعنی شہزادی۔ کتاب کا ترجمہ بھی “پرنسس” کے نام سے ہی پیش کیا گیا ہے۔ پرنسس، جیسا کہ عنوان سے واضح ہے کہ ایک شہزادی کے بارے میں ہے۔ یہ ایک سعودی شہزادی “سلطانہ” کی آپ بیتی ہے جو انہوں نے کتاب کی مصنفہ جین ساسون سے بیان کی ہے۔ کتاب میں شہزادی کا نام سلطانہ بتایا گیا ہے تاہم یہ بات شروع میں ہی بتا دی گئی ہے کہ یہ شہزادی کا اصلی نہیں بلکہ ایک فرضی نام ہے جو ان کی اصل شناخت کو چھپانے کے لئے استعمال کیا گیا ہے۔ Continue reading 057- Princess by Jean Sussan پرنسس از جین ساسون

056- Memories of Midnight by Sidney Sheldon میموریز آف مڈنائٹ از سڈنی شیلڈن

Memories of Midnight by Sidney Sheldon

میموریز آف مڈنائٹ  از سڈنی شیلڈن

مصنف: سڈنی شیلڈن
صفحات: 404
زبان: انگریزی
سن اشاعت: 1990

مشہور امریکی مصنف سڈنی شیلڈن کے کچھ ناولوں سے ہم آپ کو پہلے ہی متعارف کروا چکے ہیں اور امید کرتے ہیں کہ وہ آپ کے مطالعے سے بھی ضرور گزرے ہوں گے۔ آج جس کتاب کے بارے میں یہاں گفتگو ہونے والی ہے اس کا عنوان ہے Memories of midnight یعنی آدھی رات کی یادیں۔ یہ ناول، سڈنی شیلڈن کے ناول The Other Side of Midnight کا دوسرا حصہ ہے۔ ناول کا آغاز وہاں سے ہوتا ہے جہاں The Other Side of Midnight کا اختتام ہوتا ہے۔ Continue reading 056- Memories of Midnight by Sidney Sheldon میموریز آف مڈنائٹ از سڈنی شیلڈن

055- محبتوں کے آسیب (Of love and other demons) از گیبریل گارشیا مارکیز (Gabriel Garcia Marcques)

Of love and other demons by Gabriel Garcia Marcques

محبتوں کے آسیب از گیبریل گارشیا مارکیز

نام کتاب: Of love and other demons
ترجمہ: محبتوں کے آسیب
مترجم: ضیاء الحق
صفحات: 160
قیمت: 200 روپے
سن اشاعت: 2012
ناشر: فکشن ہاؤس لاہور

گیبریل گارشیا مارکیز کا نام عالمی ادب سے دلچسپی رکھنے والوں کے لئے نیا ہرگز نہیں۔ آپ کولمبیا سے تعلق رکھنے والے مصنف ہیں جنہیں اپنی تحاریر کی بنا پہ ادب کا نوبل انعام بھی مل چکا ہے۔ آپ کے قلم سے کئی ناول اور مختصر کہانیاں نکل چکی ہیں جنہوں نے بے انتہا شہرت پائی۔ ان کتابوں میں One Hundred Years of Solitude، No One Writes to the Colonel، اور Love in the Time of Cholera وغیرہ شامل ہیں۔ آنے والے دنوں میں ان شاء اللہ یہ کتب بھی کتابستان کا موضوع بنیں گی۔

کتابستان کا آج کا موضوع گیبریل کے قلم سے نکلی ہوئی ایک مختصر کہانی ہے جس کا عنوان ہے Of love and other demons۔ اس کہانی کا اردو میں ترجمہ ضیاء الحق صاحب نے “محبتوں کے آسیب” کے عنوان کے تحت کیا ہے۔ یہ ایک بارہ سالہ لڑکی سائیوا ماریہ کی زندگی کی کہانی ہے جو اس وقت شروع ہوتی ہے جب ایک آوارہ اور پاگل کتا اس لڑکی کو کاٹ جاتا ہے۔ Continue reading 055- محبتوں کے آسیب (Of love and other demons) از گیبریل گارشیا مارکیز (Gabriel Garcia Marcques)

053- ڈیسیپشن پوائنٹ (Deception point) از ڈین براؤن (Dan Brown)

ڈیسیپشن پوائنٹ (Deception point) از ڈین براؤن (Dan Brown)

مصنف: ڈین براؤن
زبان: انگریزی
سن اشاعت: 2001

ڈین براؤن ایک معروف امریکی مصنف ہیں۔ جو اپنے تھرلر ناولوں کی وجہ سے مشہور ہیں۔ آپ کے قلم سے کئی ناول نکل چکے ہیں تاہم آپ کو زیادہ مشہوری رابرٹ لینگڈن سیریز سے حاصل ہوئی جس کے سلسلے کے اب تک تین ناول آ چکے ہیں۔ آپ کے ناولوں کی خاص بات ان کی تیز رفتاری ہے اور موضوع کے متعلق ان کی تحقیق ہے جس کے باعث ناول پڑھتے پڑھتے ہی قاری کئی مختلف موضوعات پہ معلومات حاصل کر لیتا ہے جو نا صرف اس کی معلومات میں اضافے کا باعث بنتی ہیں بلکہ ناول کے پلاٹ کی مضبوطی میں بھی اہم کردار ادا کرتی ہیں۔

ڈیسیپشن پوائنٹ کی کہانی خلائی مخلوق اور ناسا کے گرد گھومتی ہے۔ خلائی مخلوق کی تلاش آج کل کے زمانے کی انتہائی اہم تلاش ہے۔ تاہم یہ تلاش نئے دور کی دین نہیں ہے بلکہ انسان صدیوں سے آسمان پہ ستاروں کو دیکھ کے اس بارے میں غور و فکر کرتا آیا ہے کہ آیا وہ اس کائنات میں تنہا ہے یا ستاروں پہ بھی کوئی مخلوق آباد ہے۔ Continue reading 053- ڈیسیپشن پوائنٹ (Deception point) از ڈین براؤن (Dan Brown)