011۔ عکس از عمیرا احمد

عکس از عمیرا احمد

مصنفہ: عمیرا احمد
پبلشر: ماہنامہ پاکیزہ ڈائجسٹ

عمیرا احمد کا نام اردو قارئین کے لئے نیا نہیں۔ آپ کے لکھنے کے سفر کا آغاز اردو ڈائجسٹوں سے ہوا تھا اور وقت گزرنے کے ساتھ آپ کی تحریروں پہ کئی ڈرامے بھی بنائے گئے۔ عمیرا کا شمار نئے دور کے بہترین لکھنے والوں میں ہوتا ہے جن کے موضوعات میں سرفہرست مذہب اور عورتوں کے مسائل شامل ہیں۔ مذہب انسان کی زندگی پہ کس طرح اثر انداز ہوتا ہے اس بارے میں عمیرا کے لکھے ہوئے ناول “پیرِکامل” کو بین الاقوامی شہرت حاصل ہوئی۔ اسی طرح پاکستان کی سول سوسائٹی اور بیوروکریسی کے بارے میں لکھا ہوا ناول “امر بیل” بھی بےحد مقبول ہوا۔

زیر گفتگو ناول “عکس” عمیرا احمد کا تازہ ترین ناول ہے اور کافی عرصے کے بعد منظر عام پہ آیا ہے۔ اس کی وجہ یہی ہے کہ عمیرا کی مکمل توجہ اب ٹیلی ویژن کے لئے لکھنے کی طرف ہے۔ تاہم دیر آئد درست آئد کے مصداق اس ناول کو عمیرا کے قارئین نے ہاتھوں ہاتھ لیا ہے۔ یہ ناول پاکیزہ ڈائجسٹ میں اگست 2011 سے قسط وار شائع ہوتا رہا ہے اور حال ہی میں یعنی دسمبر 2012 کے پاکیزہ ڈائجسٹ میں اس ناول کی آخری قسط شائع ہوئی ہے۔

یہ ناول ایک لڑکی کی زندگی کی جدو جہد کی داستان ہے۔ اس لڑکی کو بچپن میں کس طرح کے نا مساعد حالات کا سامنا کرنا پڑا لیکن اس کے باوجود اس نے اپنی زندگی میں آنے والی کو کس طرح فیس کیا اور اپنی زندگی کو دوسروں کے لئے مشعل راہ بنایا، یہ اس ناول کا موضوع ہے۔ ناول کا نام “عکس” اسی لڑکی کے کردار پہ ہی رکھا گیا ہے۔ کردار بہت مضبوط ہے اور عمیرا نے اسے بہت ہی حساسیت کے ساتھ لکھا ہے۔ اس لڑکی کی زندگی میں ہونے والے ہر طرح کے احساسات، واقعات، حادثات، مشکلات وغیرہ کو بہت تفصیل سے اور عمدگی سے بیان کیا گیا ہے۔

عمیرا احمد کے اس ناول کا بیک گراؤنڈ پاکستان کی سول سروسز سے لیا گیا ہے جو یقیناً ان کا مضبوط ترین ایریا ہے۔ ناول کا ہیرو حسب معمول بےحد خوبصورت، لڑکیوں کے دلوں کی دھڑکن اور بے انتہا کامیاب اور ذہین شخص ہے۔ اسی طرح ہیروئن بھی ہمیشہ کی طرح انتہائی غیر معمولی ہے۔ کہانی کی ہیروئین عکس کے کردار کے بارے میں عمیرا احمد کا یہ کہنا ہے کہ ان کے لکھے ہوئے کرداروں میں یہ واحد کردار ہے جس سے وہ خود متاثر ہوئی ہیں۔ اب قارئین اس کردار سے کتنا متاثر ہوتے ہیں اس کے لئے تو یہ ناول ہی پڑھنا پڑے گا۔ اب تک “سالار” عمیرا کے لکھے ہوئے کرداروں میں سے مشہور ترین کردار ہے۔ اس لئے دیکھنا یہ ہے کہ آیا “عکس” سالار کی جگہ لینے میں کامیاب ہوتی ہے یا نہیں۔

اسی ناول کے بارے میں ایک اور تبصرہ

اس کتاب کے بارے میں تبصرہ کریں۔

اگر آپ نے یہ کتاب پڑھی ہے تو اسے 1 سے 5 ستاروں کے درمیان ریٹ کریں۔

تشریف آوری کے لئے مشکور ہوں۔

Advertisements

6 thoughts on “011۔ عکس از عمیرا احمد”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s